Чаллыда көчле җил аркасында «Торговый квартал» сәүдә үзәге янында кран ауган. Бу хакта ТР прокуратурасының матбугат хезмәте хәбәр итә.
Урынга килгән 6 нчы номерлы ЗПСО коткаручылары 48 яшьлек крановщицаны деблоклаганнар. Кызганычка каршы, хатын-кыз һәлак булган.
Күзәтчелек ведомствосы әлеге факт буенча тикшерү эше башлаган. Һәлакәт урынына Чаллы прокурорының беренче урынбасары Айдар Галиев килгән.
