Россия Президенты Владимир Путин Богородица монастерының Мәрьям Ананың Казан иконасы чиркәвен ачу тантанасында катнашучыларга һәм кунакларга котлау юллады.
“Православие динен тотучыларның иң кадерле изге ядкәрләреннән берсе – могҗизаи Казан Мәрьям ана иконасының бар булу урынында чиркәү торгызу – дин тотучылар, чиркәүгә йөрүчеләр, гомумән, ата-бабаларыбыздан калган әхлакый кыйммәтләрне, халкыбызның бәһаләп бетергесез тарихи мирасын саклаучылар һәм аларга бик зур ихтирам хисе белән караучыларның һәммәсе өчен зарыгып көтеп алынган вакыйга”, – диелә Кремль сайтында урнаштырылган котлауда.
Президент билгеләп үткәнчә, милли ядкәрләрне саклау һәм торгызу турында кайгырту да – безнең иң мөһим бурычларыбыз исәбенә керә.
“Чиркәү Казанның рухи үзәкләреннән берсенә әйләнүенә, борынгы Татарстан җирендә изге урыннарны, күп гасырлык традицияләрне торгызуга хезмәт итәсенә ышанам”, – дигән Владимир Путин.
