30 июльдән Казанда дүрт яңа вакцинация үзәге эшли башлаячак. Хәзер коронавируска каршы прививканы Ленин исемендәге мәдәният йортында, “Московский”, “Залесный” һәм “Сәйдәш” мәдәният үзәкләрендә дә ясатып булачак.
– Бу – безнең өчен яңа тәҗрибә. Әлегә саналган мәдәният йортларының режимына яраклашып эшләячәкбез. Халыкның реакциясен тикшергәннән соң, вакцинация үзәкләренең эш вакытына төзәтмәләр кертү ихтималы да бар, – диде Татарстанның сәламәтлек саклау министры урынбасары Владимир Жаворонков журналистлар белән очрашу вакытында.
