Төркмәнстан Президенты Горбангулы Бәрдымөхәммәдов Минзәлә янында самолетның һәлакәткә юлыгуы сәбәпле, Татарстан Президенты Рөстәм Миңнехановка кайгы уртаклашу телеграммасын җибәргән.
“Минзәлә шәһәре янында кешеләрнең үлеменә һәм имгәнүенә китергән Л-410 самолетының һәлакәткә юлыгуына бәйле рәвештә кайгы уртаклашуны кабул итегез, – диелә телеграммада. – Шушы авыр көннәрдә Төркмәнстан халкы һәм Хөкүмәте исеменнән, шәхсән үз исемемнән һәлак булганнарның туганнары һәм якыннарына кайгы уртаклашу сүзләрен, зыян күрүчеләргә – тизрәк савыгып, аякка басу теләкләрен тапшыруны сорыйм”.
