Татарстанда Бөтенроссия халык санын алу чорында 45 районда 485 волонтер ярдәм итәчәк. Аларның 311е күпфункцияле үзәкләрдә (МФЦ), калган 74е исә сан алучылар бригадаларында эшләячәк.
Республиканың Мәгълүмати-ресурс үзәге җитәкчесе Айрат Мөбәрәкшин сүзләренә караганда, һәр районда волонтерлар эшен оештыру өчен җаваплы кешеләр билгеләнгән. “Җаваплы белгечләр дәүләт статистикасы территориаль органы һәм МФЦ вәкилләре белән үз районнарында хезмәттәшлек итә”, – диде ул.
