Бу хакта “Росстат” башлыгы Павел Малков Россия Президентының Хөкүмәт әгъзалары катнашында уздырган киңәшмәсендә белдергән.
Малков әйтүенчә, бүгенгә җанисәп алуда илдә 133,5 миллион кеше катнашкан. Бу – Россиядә яшәүчеләрнең 91,6%ы, дигән сүз. Татарстан яшәүчеләрнең 97 проценты халык саны алуда катнашкан.
Мәскәү һәм Мәскәү өлкәләрендә, Санкт-Петербург, Төньяк Кавказда җанисәп алу асылда төгәлләнгән инде. Ә Чечня Республикасы бу эшкә беренчеләрдән булып нокта куйган. Ставрополь һәм Краснодар крайларында, Волгоград, Тула өлкәләре, Мордовия, Чукоткада да асылда инде халык саналып беткән.
Исегезгә төшерәбез: Бөтенроссия халык санын алу 15 октябрьдә башланды. Чара 14 ноябрьгә кадәр дәвам итәчәк. Бүгенге Россиядә халык санын алуның өченчесе бу (моңа кадәр 2002, 2010 елларда узды).
