Ел тәмамланганчы 12-17 яшьлек үсмерләрне вакцинацияләү башланачак. Бу хакта Россия сәламәтлек саклау министры Михаил Мурашко белдергән.
“Ел азагына кадәр үсмерләр арасында бөтен Россия күләмендә тәүге тапкыр вакцинация уздырылачак”, – дигән министр ТАСС хәбәрчесенә Пермьга эшлекле сәфәре барышында.
Сәламәтлек саклау министрлыгы 24 ноябрьдә 12-17 яшьлек үсмерләр өчен коронавирустан “Спутник М” вакцинасын теркәгән. Вакцина ике компоненттан тора. Икенче дозасын беренчесеннән соң 21 көн узгач алырга кирәк. 15 яшькә кадәрге балаларга прививка әти-әнисе рөхсәте белән генә ясала. Балигъ булганнар моны мөстәкыйль хәл итә.
Ел ахырына кадәр 150 меңгә якын дозада “Спутник М” вакцинасын әйләнешкә кертү күздә тотыла.
