Мин пенсиягә чыксам да, балаларга булышыйм дип, эшләп йөргән булам әле. Тик эшләмәүче пенсионерларның ел саен пенсиясе арткач, күңел төшә. Рәхәтлектән йөрмисең бит инде. Эш урынымнан китсәм, яңадан урнаша алмам дип куркам. Нишләргә икән?
Гөлфизә Сәйранова. Чаллы
Андрей Гиринский, икътисад белгече, доцент:
– Чыннан да, пенсия эшләмәүче пенсионерларга гына арта. Шулай булгач, бер генә юл кала: эштән китәргә, пенсияне арттырырга һәм яңадан эшкә урнашырга. Әмма сез дөрес әйтәсез, пенсия яшендә эшкә урнашу кыен булачак. Яңадан эшкә урнаша алсагыз, индексацияләү туктатылмый, пенсия күләме кимеми.
