Кичә Санкт-Петербург сулыкларында өч кеше батып үлгән. Бу хакта җирле гадәттән тыш хәлләр министры матбугат хезмәте хәбәр итә.
Икесе Невада бозда йөргән вакытта һәлак булган. Хәзерге вакытта аларның гәүдәләрен эзлиләр. Тагын бер ир-ат Петербургның 300 еллыгы паркы янында боз астына киткән, аның мәетен коткару бригадасы ярга алып чыккан.
Билгеле булганча, 15 марттан Төньяк башкалада сулыклар бозына чыгуны тыю гамәлгә керде. Әмма мондый чикләүләрне санга сукмаучылар да бар шул.
