Бүген Татарстанга Төрекмәнстан Милли Генгешы Халк Мәсләхәте Рәисе Гурбангулы Бердымөхәммәдов килде. «Казан» халыкара аэропортында кунакны Татарстан Республикасы Президенты Рөстәм Миңнеханов каршы алды.
Визиты кысаларында Гурбангулы Бердымөхәммәдов «Россия – Ислам дөньясы: KazanSummit 2022» XIII халыкара икътисадый саммитында катнашачак. Эшлекле программаның төп темасы – уртак куллану икътисады һәм гомуми хәләл бәрәкәте.
Шулай ук бүген Гурбангулы Бердымөхәммәдов белән Татарстан Республикасы Президенты Рөстәм Миңнеханов һәм Татарстан Республикасы Дәүләт Киңәшчесе Минтимер Шәймиев очрашулар уздырчак.
