Татарстан Эчке эшләр министрлыгының матбугат хезмәтендә Актаныш районындагы зиратта киселгән хач турындагы җинаять эшен тикшерүнең кайбер нечкәлекләре турында сөйләделәр. Бу турыда «Татар-информ» хәбәр итте.
Әлеге хәлдән соң «Каберлекләрне мәсхәрә итү» маддәсе буенча җинаять эше ачылды.
«Хәзерге вакытта кузгатылган җинаять эше кысаларында оператив чаралар үткәрелә. Полиция хезмәткәрләре моңа катнашы булган һәркемнән сорау алачак. Җинаять эше Татарстан Эчке эшләр министрлыгында тикшереләчәк», — дип белдергәннәр «Татар-информ» агентлыгына Татарстан буенча Эчке эшләр министрлыгының матбугат хезмәтендә.
Социаль челтәрләрдә, имештер, полиция хезмәткәрләре мәрхүмнең туганыннан хачны кисеп төшерүен тануын таләп итүе турында мәгълүмат чыкты. Мәрхүмнең туганнары әлеге темада спекуляция ясаучы һәм үз ресурсларында дөрес булмаган мәгълүматлар урнаштыручы блогерларга мөрәҗәгать итте.
Шул ук вакытта, агентлык чыганагы мәгълүматлары буенча, җинаять эшендә шикләнелүче кеше чынлап та бар һәм ул мәрхүмнең туганы түгел. Әлегә аңа карата гаепләү белдерелмәгән, әмма тикшерүчеләрдә аның бу эштә катнашы булуын раслаган дәлилләр бар, диелә хәбәрдә.
Актаныш зиратында хачны кискәннәр. Район башлыгы Энгель Фәттахов эшеннән китә
