Иртәгә, 23 июньдә, Татарстанда һава шартларының бозылуы көтелә, дип хәбәр итә Татарстанның Гидрометеорология үзәге.
Республикада алмашынучан болытлы һава булачак. Урыны белән төнлә һәм көндез яңгырлар явуы һәм яшен яшьнәве ихтимал.
Казанда явым-төшемнәр кичен көтелә, ә көндезге сәгатьләрдә яңгыр яву ихтималы аз. Төньяк-көнчыгыштан талгын җил исәчәк. Яшенле яңгыр вакытында җил тизлеге секундына 15-18 метрга кадәр җитәр, дип кисәтә синоптиклар.
Республикада төнлә +11..+16 градус, көндез +19..+24 градус, ә республиканың көнчыгышында 28 градуска кадәр җылы булачак. Казанда +22..+24 җылы булыр дип көтелә.
