Алабугада яшәүче 58 яшьлек иргә суд каршына басарга туры киләчәк. Ул үз баласын ач тотып, физик һәм нерв-психик үсешендә тоткарлыкка китерүдә гаепләнә. Бу хакта Татарстан прокуратурасы матбугат хезмәте хәбәр итә.
Тикшерү фаразлавынча, ваемсыз әтисенең гамьсезлеге аркасында бала 2009 елдан бирле антисанитар шартларда яшәгән. Ир-атка каршы «балигъ булмаган баланы тәрбияләү буенча бурычларны үтәмәү» маддәсе буенча җинаять эше кузгатылган. Ир үз гаебен таныган.
