Россия банкы төп ставканы 7,5% күләмендә саклап калу турында карар кабул иткән. Банк хәбәренә караганда, хәзерге вакытта бәяләрнең чагыштырмача түбән булуы еллык инфляциянең акрынаюына китерә.
Ел азагына инфляциянең 12,0–13,0% тәшкил итүе көтелә. Россия банкы фаразына караганда, өлешчә мобилизация алдагы айларга кулланучылар ихтыяҗын һәм инфляцияне киметәчәк.
Исегезгә төшерәбез: банк сентябрь аенда төп ставканы 7,5 процентка кадәр киметте. Июльдә 8% күләмендә калдырылган иде. Шул чагында төп ставка берьюлы 1,5 пунктка киметелде. Моңа кадәр – 10 июньдә ул 1,5 процентка төшерелеп, 11дән 9,5 процентка калдырылды. Украинада махсус хәрби операция башланганчы шундый ставка иде.
Төп ставканың артмавы кредитларның кыйммәтләнүенә юл куймаячак.
