Ленин райсуды алдында чирек гасыр элек хатын-кызны үтергән өчен 51 яшьлек сукбай Сергей Горбунов басачак. 1997 елның апрелендә Саранскта шәхси йортта көчләп үтерелү билгеләре белән 48 яшьлек Валентина Бодник гәүдәсе табыла. Тикшерү һәм оператив чаралар үткәрелүгә карамастан, җинаять кылган кешене таба алмыйлар.
Әмма Тикшерү комитетының төбәк идарәсе хезмәткәрләре бу тикшерүне туктатмаган. Быел узган еллардагы җинаятьләрне ачу һәм тикшерү буенча системалы эш барышында билгеле бер яшәү урыны булмаган 51 яшьлек ир-ат тарафыннан җинаять кылу турында мәгълүмат алынган. Полиция хезмәткәрләре аның кайда булуын ачыклаган һәм тоткарлаган. Тикшерү ачыклаганча, Сергей Горбунов Бодникны үч алу өчен үтергән.
Валентина Бодник ир-ат белән «ораль секс» кылырга баш тарткан. Өстәвенә, ир-атны рәнҗетүче сүзләре дә әйткән. Горбунов хатын-кызны үтергәннән соң җинаять урыныннан качкан.
