Юл-транспорт һәлакәте кичә иртәнге җиделәр тирәсендә «Академик Сахаров» автобус тукталышында булган. Якынча мәгълүматлар буенча, троллейбус йөртүче, маневрның куркынычсыз булуына инанмыйча, кузгалып киткән вакытта троллейбуска утырырга ниятләгән 9 яшьлек кызны бәрдергән.
Нәтиҗәдә, бала төрле тән җәрәхәтләре алган. Медицина ярдәме күрсәткәннән соң аны травмпункттан өенә кайтарып җибәргәннәр. Бу хакта шәһәр Дәүләт автоинспекциясеннән хәбәр иттеләр.
