Татарстанның атказанган артисты Лилия Муллагалиеваның улы Данил ноябрь аеннан армиядә. Ул Казандагы дары заводының 37нче хәрби частендә хезмәт итә. Шушы көннәрдә җырчы улын хәрби өйрәнүләргә озаткан.
«Данил ноябрьдән армиядә. Менә кичә Саратов шәһәренә «учебка»га киттеләр. Балаларыбыз исән-сау булсыннар, имин юллар, исән-сау әйләнеп кайтсыннар», – дип язган ул социаль челтәрендә.
Лилия Муллагалиева сүзләренчә, гаиләдә «армиягә бармый калу» турында сүз булмаган. Данил Казан кооператив техникумның юридик бүлеген тәмамлаганнан соң, таможня эше буенча укырга кергән. Армиядә хезмәт итеп кайту Данилга бу юнәлештә эшләү өчен дә кирәк.
Ул армиядә 2 ел контракт буенча хезмәт итәчәк.
