Россия студентлары көне (Татьяна көне)
Бу бәйрәм Россия Президенты 2005 елның 25 гыйнварында кул куйган указ нигезендә рәсми төстә билгеләп үтелә. Бу бәйрәмнең тарихы ике гасырга сузыла һәм ул Мәскәү университеты ачылуга бәйле. 1755 елның 25 гыйнварында, Татьяна көнендә, императрица Елизавета Петровна Мәскәүдә беренче Россия университетын гамәлгә кую турындагы указга кул куя. Башта Татьяна көне университетның туган көне буларак бәйрәм ителә, соңрак бу традиция югары уку йортлары булган башка шәһәрләргә дә күчә.
165 ел элек (1858) Мендельсон маршы беренче тапкыр туйда яңгырый
Мендельсон маршы беренче тапкыр 1858 елның 25 гыйнварында узган монархлар туенда уйнала. Музыканы инглиз принцессасы Виктория үзе сайлый. Ул бу көйне балачагында беренче тапкыр ишеткән була.
Беренче Олимпия уеннары
99 ел элек (1924) Франциянең Шамони шәһәрендә Беренче Кышкы Олимпия уеннары ачыла. Ярышларда катнашу өчен 16 илдән 258 спортчы килә. Уеннар 5 февральдә тәмамлана.
74 ел элек (1949) «Эмми» Америка телевизион премиясенең беренче тапшыру тантанасы уза
«Эмми» – «Оскар» премиясенең телевизион аналогы булып тора.
Премия статуэткасы кулына атом тоткан канатлы хатын-кыз рәвешендә эшләнә. Атом телевидениене фән буларак, ә канатлар – телевидениене сәнгать буларак символлаштыра.
«Эмми» премиясе 463 номинациядә тапшырыла. Арада иң мөһимнәре: иң яхшы драматик сериал, иң яхшы комедия сериалы, иң яхшы минисериал, сериалның иң яхшы актеры, иң яхшы реалити-шоу, иң яхшы анимацион тапшыру һәм башкалар.
Премияне алучылар арасында төрле номинацияләрдә җиңгән Россия сәнгать эшлеклеләре дә бар.
Гүзәл Әхмәтҗанова әзерләде
АйгульАешта су коточкыч. Бер ике тарелка б.н бер ике кружка юсан,кулдан карасы бер атнасыз бетми.«Эчәр суым – кара мазут»: Аеш авылында суның сыйфатына зарланалар
Загрузка ...
