Татарстан Президенты Рөстәм Миңнеханов «Союзмультфильм» киностудиясе Директорлар советы рәисе Юлиана Слащева һәм «Россия креатив атнасы» форумы директоры Марина Абрамова белән очрашты.
Рөстәм Миңнеханов Юлиана Слащева белән Казанда «Союзмультпарк» мультимедиа үзәгенең алга таба үсеше турында фикер алышты. 2021 елда Ак Барс Аренада ачылган үзәк кунакларны анимация дөньясы белән таныштыра һәм Татарстан Республикасы тарихы һәм мәдәнияте турында сөйли. 2022 елда яңа киңлектә 57 меңгә якын кунак булып киткән, 8 мең мастер-класс үткәрелгән.
Марина Абрамова белән Рөстәм Миңнеханов 2023 елда Татарстанда төбәк креатив атнасын уздыру турында фикер алышты. Марина Абрамова сүзләренә караганда, «Россия креатив атнасы – Татарстан» төбәкнең креатив бизнесына яңа урыннарны аңларга, җирле эшкуарларга интеллектуаль продуктларын конкурентлы итәргә, шулай ук гамәлдәге проектларны киңәйтергә ярдәм итәчәк. Болар барысы да икътисадта креатив компонентның өлешен арттыруга ярдәм итәчәк.
Очрашу «Казан Экспо»да Татарстан Мәдәният министрлыгының йомгаклау коллегиясе кысаларында узды, дип хәбәр итә Президентның матбугат хезмәте.
