Кайбер сыерлар бозаулагач, чүбен бик озак вакыт сала алмыйча интегә. Сәбәп нидә була ала?
Гөлсәрия Низамиева, Саба
Сорауга Министрлар Кабинетының Баш ветеринария идарәсе башлыгы урынбасары Илдар Нугуманов җавап бирә.
- Моның сәбәбе аз хәрәкәтләнүдә һәм микроэлементлар җитмәүдә булырга мөмкин. Өченчедән, симез, яки киресенчә арык сыер да чүбен озак сала алмавы бар. Сыер бозаулагач та 5-6 минут эчендә кимендә 1-2 чиләк җылы су эчертүнең файдасы бик зур. Билгеле булганча, сыер бозаулаганда аның куыгы килә. Шуның суын аерым бер чиләккә җыеп эчертсәгез, файдасы зур, чүбен дә тиз сала. Сыер аны 10-12 сәгать эчендә башкарырга тиеш. Моннан артык вакыт узса, мал табибына мөрәҗәгать итәргә кирәк.
