Тулысынча автоном идарәдәгедүрт «КамАЗ» йөк машинасын Санкт-Петербургтан Мәскәүгә җибәрәчәкләр.
Йөк машиналары Санкт-Петербург икътисадый форумы ачылу көнендә, ягъни 14 июньдә кузгалачак. Бу хакта «КаzanForum» чарасы кысасында «КамАЗ» җәмгыятенең инновацион автомобильләр буенча баш конструкторы Сергей Назаренко әйтте.
Йөртүчесез булган машиналар М-11 автомагистрале буенча барачак һәм шулай итеп ике башкала арасында йөк юлын сынап караячак.
Конструктор сүзләренчә, хәзерге көндә 6 шундый машина җитештерелгән. Июньдә шуларның дүртесен сынап караячак. Хәрәкәтне күзәтү өчен машина кабинасында кеше дә булачак.
