Россия Президенты Владимир Путин Шәүкәт Мирзияев белән ул Үзбәкстан Президенты итеп яңадан сайланганнан соң беренче тапкыр телефоннан сөйләште. Бу хакта Кремльнең матбугат хезмәте хәбәр итә.
Путин Мирзияевның ышанычлы җиңү яулавын искәртте. Алар ике илнең стратегик партнерлыкка нигезләнгән хезмәттәшлеген һәрьяклап үстерү теләген белдерде.
Элегрәк Россия Президенты коллегасына котлау телеграммасы юллаган иде.
«Сайлауда ышанычлы җиңүегез сезнең югары сәяси абруегызны раслый, сез үткәрә торган ил үсешенең алдагы динамик үсешенә, аның халыкара позицияләрен ныгытуга, гражданнарның хокукларын һәм мәнфәгатьләрен яклауга юнәлдерелгән масштаблы үзгәртеп корулар курсын халыкның хуплавын дәлилли», — диелә юлламада.
