Сораштыру нәтиҗәләре кер үтүкләү һәм җыештыруның казанлылар өчен өй эшләренең иң яратмаган төрләре булуын күрсәткән. Респондентларның 26 һәм 18 проценты аларны антирейтингның беренче позицияләренә урыннарына куйган.
SuperJob сервисы үткәргән тикшеренү күрсәткәнчә, сораштыруда катнашучыларның 14 проценты савыт-саба юуны өйдәге иң яратмаган эше дип атаган. Казанлыларның 9 проценты – ашарга әзерләргә, 2 проценты – азык-төлек сатып алырга, 1 проценты кер юарга яратмый.
Тикшеренүләрдән казанлыларның кер үтүкләүгә карата мөнәсәбәте яхшыруы күренгән. Кайберәүләр моның белән килешкән, икенчеләре кер киптерә торган җайланма сатып алган, өченчеләре бу эштән гомумән баш тарткан.
Шунысы кызык, кер үтүкләү даими нигездә башкарыла торган эш буларак бик сирәк телгә алынган. Респондентлар күбесенчә савыт-саба юу (76 процент) һәм азык-төлек сатып алуны (71 процент) даими рәвештә башкарыла торган эшләр дип атаган.
