Бүген шәхси хуҗалыклардагы мөгезле эре терлекләрнең барысы да идентификацияләнеп беткән. Бу турыда журналистларга Баш ветеринария идарәсе башлыгы Алмаз Хисаметдинов хәбәр итте. Аның сүзләренчә, 195 меңгә якын терлеккә тамга сугылган.
– Сентябрьдән башлап атларга, дуңгызларга һәм вак мөгезле терлекләргә тамга сала башладык. 15 ноябрьгә шәхси хуҗалыклардагы эшләрне тулысынча бетерәчәкбез. Киләсе елның 1 сентябренә кадәр мөгезле һәм вак эре терлекләргә, атларга, дуңгызларга, 2026 елга кадәр сарыклар һәм кәҗәләргә тамга сугып бетерергә тиешбез, – диде ул.
Гомуми секторда 528 меңгә якын мөгезле эре терлек маркировкаланган. Бу барлык малларның 83 проценты дигән сүз. Ел ахырында бу эшләрне дә тулысынча төгәлләргә планлаштыралар.
