«Арча» тимер юл станциясендә хатын-кызны поезд бәрдергән. Бу хакта Россия Федерациясе Тикшерү комитетының транспорттагы үзәк төбәк ара Тикшерү идарәсенең Телеграмм каналы хәбәр итә.
Беренчел мәгълүматлар буенча, 24 сентябрь көнне көндез «Арча» тимер юл станциясендә тыелган урында юлларны кичкән 52 яшьлек хатын-кызны пассажир поезды бәрдерә.
Тикшерү комитеты тикшерүчеләре транспортта беренчел тикшерү чаралары комплексын үткәрә, вакыйганың барлык шартлары ачыклана.
