Татарстан Рәисе Рөстәм Миңнеханов Чечня Республикасы Башлыгы Рамзан Кадыйровны туган көне белән котлаган. Бүген аңа 47 яшь тулган.
“Дала могшалла, беркат, ирс-аьтто хуьлийтийла хьан! Поздравляю, брат!” – дип котлаган Кадыйровны республика Рәисе үзенең телгерам-каналында.
Исегезгә төшерәбез: Рамзан Кадыйровның әтисе – 2000-2004 елларда Чечня башлыгы булган Әхмәт Кадыйров 2004 елның 9 маенда Грозный шәһәрендә террорчылык акты фаҗигасендә һәлак булды. Рамзан Кадыйров 2007 елдан бирле Чечнягә җитәкчелек итә. Төбәк җитәкчесе вазыйфасында озак эшләү буенча Россия субъектлары башлыклары арасында беренче урында тора.
