Республиканың 150 кешесе ел башыннан алкоголь продукциясе белән кискен агуланудан вафат булган. Бу былтыргы белән чагыштырганда 9,3%ка яки 19 кешегә кимрәк, узган елгы спиртлы эчемлекләрдән 169 кеше үлгән, дип хәбәр итә ТР буенча Роспотребнадзор идарәсе.
Агымдагы елның 9 аенда төбәктә 406 алкоголь белән агулану очрагы теркәлгән, бу узган елның шул ук чоры белән чагыштырганда 14,8%ка түбәнрәк. Ул вакытта мондый очраклар 477 тәшкил иткән.
Зыян күрүчеләрнең төп өлеше — балигъ булмаганнар. Алар белән 337 агулану яки 83% бәйле. Бер ел элек 88% һәм 420 факт булган. Зыян күрүчеләрнең социаль хәлен анализлау түбәндәгеләрне күрсәтте: эшләмәүчеләр — 35%, эшләүчеләр — 14,3%, укучылар — 14%, пенсионерлар — 12,3%, укучылар — 3,2% һәм башкалар — 21,2%.
