Татарстанда озын яллар ахырында – 6-13 гыйнвар чорында агулану очраклары кискен арткан. Барлыгы 80 шундый очрак теркәлгән. Алдагы атнадагыга караганда 2,6 тапкыр зуррак сан бу.
Роспотребнадзорның Татарстан буенча идарәсе матбугат хезмәте хәбәренә караганда, очраклы агулануларның 45%ы сәрхушлеккә бәйле. Белә торып агулануның 38%ы – үз-үзеңә кул салуга, 62%ы исерү максатына туры килә.
Мондый очракларының зур өлеше (64%ы) ир-атларга карый. 15%ы – балаларга. Сәбәбе – әти-әниләренең карап җиткермәве аркасында, балаларның кирәкмәгән әйбер эчүе.
Моннан тыш хәмер һәм спиртлы эчемлекләрдән агулануның 21 очрагы теркәлгән. Сыйфатсыз хәмерне сатып алу урыннары мәгълүм түгел.
