«Россия аналары» иҗтимагый хәрәкәте зур һәм кирәкле эш алып бара, дип белдерде Россия Президенты Владимир Путин Әниләр көненә багышланган «Ана йөрәге — Россия йөрәге» конференциясе ачылышында. Аның сүзләре Кремль сайтында китерелә.
Президент хәрәкәтнең игътибар үзәгендә гомуммилли әһәмияткә ия мәсьәләләр торуын билгеләп үтте: аналар һәм балалар проблемалары, гаилә кыйммәтләрен үстерү. Волонтерлар һәм активистлар Украинадагы конфликт зонасында хәрбиләргә гуманитар ярдәм күрсәтә һәм гражданнарның сәламәтлеген ныгытуга юнәлдерелгән проектларны гамәлгә ашыруда катнаша, дип өстәде ул.
«Сезгә уңышлар телим һәм бәйрәм белән котлыйм», — дип йомгаклады ул. 2023 елда Россиядә әниләр көнен 26 ноябрьдә бәйрәм итәләр.
