Россиядә беренче тапкыр йортларда бомбадан качу урыннарын эшләүнең ГОСТын раслаганнар. Шулай итеп, киләсе елда алар яңа стандарт буенча җиһазланылачак. Бу хакта “Парламентская газета” яза.
ГОСТ 2024 елның 1 мартыннан гамәлгә кертелә. Аның нигезендә, йорт подвалларында, җир асты парковкалары, метрода һәм башка шундый җир асты биналарында бомбадан качу урыннарын эшләү-җиһазлау мәсьәләсе җайга салыначак.
Думада бу документның бик кирәкле булуын әйткәннәр. Иминлек һәм коррупциягә каршы комитет рәисе урынбасары Эрнест Вәлиев әйтүенчә, яңа стандарт кертелгәч, мондый урыннар тикшерелергә, кирәк булганда – аларга ремонт ясалырга тиеш.
