Бүген иртән Яшел Үзән районының Осиново бистәсендә урнашкан ике катлы йорттагы фатирда газ шартлаган. Бу хакта Россия Гадәттән тыш хәлләр министрлыгының Татарстан буенча Баш идарәсе хәбәр итә. Беренче мәгълүматларга караганда, 4 кеше зыян күргән.
Фаҗига Үзәк урамындагы 4нче йортта килеп чыккан. Вакыйга урынында коткаручылар, табиблар һәм хокук сакчылары эшли. РКБның матбугат үзәге хәбәренә караганда, ике ир-ат һәм ике хатын-кыз зыян күргән. Авыл хәлдәге 63 яшьлек ир-атны РКБга алып киткәннәр.
Гадәттән тыш хәлләр министрлыгы хәбәренә караганда, шартлау булган подъезддагы фатирларда 4 кеше булган. Бер кешене янгын сүндерүчеләр алып чыккан, калган өчесе үзләре чыккан. Бер кеше зыян күргән, калганнарына медицина ярдәме кирәк булмаган. Кинологлар үз эшен дәвам итә.
