Казанда 17 млн сумга Фәннәр академиясе биналарының берсен төзекләндерәчәкләр. Тиешле тендер Дәүләт сатып алулары порталында бастырылган.
Ремонт эшләре Лево-Булачная урамындагы бинада узачак. Хәзер анда Гаилә һәм демография үзәге һәм гамәли фәннәр институты урнашкан.
Эш бинаның беренче катына кагылачак. Документлардан күренгәнчә, бинаны 17 млн сумга ремонтлаячаклар: диварларны һәм идәннәрне тәртипкә китерәчәкләр. Шулай ук бу акчаларга инженерлык челтәрләрен, үткәргечләрне һәм калган коммуналь инфраструктураны алыштыру планлаштырыла. тәрәзәләр һәм ишекләрне дә үзгәртергә вәгъдә итәләр.
Контрактны откан подрядчы барысын да 2024 елның декабрендә тәмамларга тиеш булачак. Эшкә финанслар республика бюджетыннан бүленә.
