М12 «Көнчыгыш» автомобиль трассасының Татарстанга туры килгән өлешен тулысынча кардан чистартып бетергәннәр. Бу хакта «Автодор» дәүләт компаниясенең матбугат хезмәте хәбәр итә.
Шуңа күрә, 29 гыйнвар көнне 00:01 сәгатьтән әлеге юлдан йөргән өчен түләү системасы кабат гамәлгә кертеләчәк.
Билгеле булганча, узган атнада ишеп яуган карны тулысынча чистартып бетергәнче, Шәле – Канаш арасында йөргән өчен акча алмадылар. Әлеге тәртип 17 гыйнар көнне 06:00 сәгатьтән гамәлдә булды.
«Автодор» вәкилләре машина йөртүчеләргә юлларда сак йөрергә, һава шартларына игътибарлы булырга киңәш итә.
Телеграмда безнең каналга кушылыгыз: https://t.me/vatantat