Бүген, 4 февраль көнне, Биектау районында М-7 «Волга» трассасында Hyundai автомобиле машина йөртүчесе йөк машинасына бәрелгән, ул юл кырында торган. Әлеге хәл турында Эчке эшләр министрлыгының Татарстан буенча Дәүләт автоинспекциясе матбугат хезмәте хәбәр итә.
Беренчел мәгълүматлар буенча, җиңел автомобиль йөртүчесе куркынычсыз тизлекне сайламаган. Һәлакәт нәтиҗәсендә 5 яшьлек бала ашыгыч медицина ярдәме машинасында вафат була. Баланың әнисе авыр җәрәхәтләр алган. Транспорт чарасы рулендә булган ата кеше зыян күрмәгән.
Килеп чыккан хәлнең шартлары ачыклана.
