Казан дәүләт автоинспекциясендә быелгы кышның иң күп авария булган районнарын атадылар. Гыйнвар һәм февраль мәгълүматлары буенча, куркыныч саннарның иң күбе Совет районында теркәлгән. Бу районда 1768 юл-транспорт һәлакәте булган.
Идел буе районында 1333 авария булган. Өченче урында – Вахитов районы. Башкаланың үзәк районында 975 юл-транспорт һәлакәте теркәлгән. Яңа Савин районында – 773, Киров районында – 608, Авиатөзелеш районында – 481, Мәскәү районында 425 авария булган.
Гомумән алганда, Татарстан башкаласында ике айда 7713 авария булып, аларда 5 кешенең гомере өзелгән, тагын 280е имгәнгән.
