Алабугада пилотсыз очкычлар һөҗүменнән зыян күрүчеләрнең барысы да хастаханәдән чыгарылган инде. Бу хакта “ТАСС” Татарстан Сәламәтлек саклау министрлыгының матбугат хезмәте хәбәренә таянып яза.
Министрлык мәгълүматларына караганда, “Алабуга” махсус икътисадый зонасында пилотсыз очкычлар һөҗүменнән зыян күрүчеләрнең соңгысы – үсмер бала 16 апрельдә Балалар республика клиник хастаханәсеннән чыгарылган.
БПЛА һөҗүменнән барлыгы 14 кеше зыян күргән булган. Шуның икесе – балалар.
