Пермь краеның Яйва бистәсендә югалган 21 яшьлек Александра Ш. урман чокырында үтерелгән килеш тапканнар. Үтерүдә шикләнеп, яшүсмер тоткарланган. Аны буып үтергәннәр, дип сөйләде 59.ru порталына үтерелгән хатын-кызның ире Максим.
Александра көндез 20 апрельдә югала. Ул кечкенә кызы белән әти-әнисенә кунакка китә. Әтисе аны балык тоту өчен суалчаннар җыюын сораган, тегесе урманга киткән һәм башка әйләнеп кайтмаган.
Яшь ананы эзләү өч көн дәвам иткән. 23 апрель көнне югалганны чокырда шәрә килеш тапканнар. Тәне яртылаш су эчендә яткан, ә киеме якында ташланган. Кызның кулында һәм муенында буу эзләре табылган. Ире сүзләренчә, үтерүче балалар бакчасы читендә урнашкан камерага эләккән. Язмаларга караганда, Александраның озын буйлы егет белән урманга таба барганын ачыклаганнар. Җинаятьчегә бары 15 яшь булып чыкты.
