14 октябрь 2026 Яңалыклар

16 яшьлек улына мотоцикл алган анага 55 мең сум штраф түләргә туры киләчәк

Нурлатта яшәүче 41 яшьлек хатын-кыз 16 яшьлек улына мотоцикл сатып алган өчен штрафка тартылган. Бу хакта Татарстан прокуратурасы хәбәр итә.

Җинаять эше материалларында 2024 елда хатын-кызның мотосалонда KAYO маркалы мотоцикл сатып алганлыгы хәбәр ителә. Аннары ул, улының әлеге транспорт чарасы белән идарә итү таныклыгы булмавын белә торып, мотоциклны аңа биргән. Үсмер руль артына утырганнан соң юл-транспорт һәлакәтенә очраган һәм аның сәламәтлегенә уртача авырлыкта зыян килгән.

Хатын-кыз гаебен таныган, аңа 55 мең сум күләмендә штраф түләргә туры киләчәк.

БЕЗНЕҢ МАКС КАНАЛЫНА ЯЗЫЛЫГЫЗ!