02 июнь 2024 Яңалыклар

17 яшьлек кызны көчләгәннәр һәм буып үтергәннәр

Чита шәһәренең паркларының берсендә Байкал арты дәүләт көллиятенең 17 яшьлек студент кызның үле гәүдәсе табылган. Тикшерү мәгълүматлары буенча, 25 майда иртән кыз укуга барырга чыккан һәм югалган.

Полиция кызны шул ук көн кичендә эзли башлый, аның дусларын, курсташларын сораштыра һәм аның йорт яныннан көллияткә кадәр хәрәкәт маршрутын тикшерә башлый. Кызның гәүдәсен 26 май иртәсендә табалар.

Оперативниклар иртә таңда Октябрьский микрорайонында очраткан шаһит хатынның күрсәтмәләре буенча шикләнелүченең шәхесен ачыклаган. Ир-ат аннан парк аша юлны ничек кыскартырга дип сорый. Шул ук көнне полиция хезмәткәрләре шикләнелүчене тоткарлаган. Аның өендә һәлак булучының кәрәзле телефоны табылган. Сорау алган вакытта ул үтерүдә гаебен таныган.

Шикләнелүчегә 28 яшь. Хокук саклау органнарыннан мәгълүмат буенча, ул Читага Украинада махсус хәрби операциядә катнашу өчен хәрби контракт төзү өчен килгән. Суд аны 2 айга тоткарлаган. Аңа гомерлеккә иректән мәхрүм итүгә кадәр җинаять җаваплылыгы яный.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!