14 август 2025 Яңалыклар

2026 елдан россиялеләргә микрофинанс оешмадан бердән артык займ алуны тыячаклар

2026 елдан россиялеләр микрофинанс оешмасында бердән артык займ ала алмаячак. Бурычлары булганнарга микрофинанс оешмасы яңа ссуда бирүдән баш тартырга тиеш булачак. Әлеге планнар турында РФ Дәүләт Думасының Финанс базары комитеты рәисе Анатолий Аксаков сөйләде, дип яза "Известия".

Моннан тыш, парламентарий сүзләренчә, киләсе елдан илдә микрофинанс оешмада займ биргәндә өч календарь көн дәвам иткән «суыну чоры» эшли башлаячак, ә артык түләүнең максималь дәрәҗәсе 130 проценттан 100 процентка кадәр кимиячәк.

Бу чараларны Россия банкы 2024 елда ук кертергә тәкъдим итте. Хәзер заем өчен артык түләү бурыч суммасыннан 130 проценттан артмаска тиеш, әмма бу чикләү һәр аерым килешүгә генә кагыла. Әгәр кредит яңадан рәсмиләштерелгән булса, артык түләү нульдән башлана, дип аңлатканнар регуляторның матбугат хезмәтендә.

Хәзерге вакытта Үзәк банкның микрокредитлар бирүне чикләүгә кагылышлы тәкъдимнәре Дәүләт Думасына кертелгән. Аларны көзге сессия барышында карау планлаштырыла.

Сүз уңаеннан, хәзерге вакытта Татарстанда “Белешмәләр икътисады һәм дәүләтнең цифрлы үсеш-үзгәреше” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

Илкүләм проектлар илкүләм проект милли проект нацпроект "национальный проект" "милли проектлар" "Профессионалитет"