Абхазиягә самолет билетлары сатуга чыккан

Инде 3 майга ук “ЮВТ АЭРО” авиакомпаниясенең Внуково аэропортыннан Сухум шәһәренә тәүге рейсы планлаштырылган.

Россиядән Абхазиягә авиабилетлар сатыла башлаган. Бу хакта “KazanFirst” Россия Транспорт министрлыгының рәсми телеграм-каналындагы мәгълүматларга таянып яза. Шулай итеп, министрлык һәм Росавиациянең авиакомпанияләр белән берлектә үткәрелгән эш нәтиҗәләре буенча әлеге юнәлештә авиабилетлар сатуны ачуга ирешелгән. Инде 3 майга ук “ЮВТ АЭРО” авиакомпаниясенең Внуково аэропортыннан Сухум шәһәренә тәүге рейсы планлаштырылган.

Моннан тыш Транспорт министрлыгы 6 майдан Икар” авиакомпаниясенең Түбән Новгородтан Сухумга рейслар ачачагы турында хәбәр итә. Шулай итеп, биредә даими һава юлы 30 елдан артыграк вакытка сузылган тәнәфестән соң яңартылачак.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!