Алабуга мәктәпләре, шәһәргә дроннар һөҗүм итү сәбәпле, эвакуацияләнгән

Алабуга районы мәктәпләрендә укучылар һәм хезмәткәрләрне эвакуацияләгәннәр. Сәбәбе – дроннар һөҗүме.

“Татар-информ” район хакимиятенең матбугат хезмәте мәгълүматларына таянып язганча, барлык хезмәтләр бик төгәл эшләгән. Администрация, укытучылар һәм хокук саклау органнары балаларның иминлеген тәэмин иткән.

Хәзерге вакытта барлык укучылар – мәктәптә. Дәресләр дәвам итә.

“Мәктәпләр администрацияләре ата-аналар белән элемтәдә тора. Без дә районда яшәүчеләрне куркуга бирешмәскә чакырабыз”,– дип билгеләп үтелгән матбугат хезмәтендә.
Исегезгә төшерәбез: бүген көндезге 12ләр тирәсендә һава һөҗүменнән саклану көчләре Алабуга районы өстендә Украинаның пилотсыз очкычын бәреп төшергән.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!