25 декабрь 2025 Яңалыклар

Белгеч керемнәр түбән булганда да пенсиягә акча җыярга тәкъдим итте

Яшәү минимумы күләменнән югарырак булган теләсә кайсы керем дәрәҗәсендә пенсия капиталы формалаштыру мәгънәле. Биредә уңышның төп факторы кертемнәрнең күләме түгел, ә аларның даимилеге. Бу хакта Дәүләтнеке булмаган пенсия фондларының Милли ассоциациясе (НАПФ) президенты Сергей Беляков белдерде, дип яза «Татар-информ».

Эксперт фикеренчә, ай саен аз гына суммаларны да җыеп бару катлаулы процент эффекты аркасында картлыкта лаеклы өстәмә керем тәэмин итә ала. Бу процесс никадәр иртәрәк башланса, нәтиҗәсе дә шулкадәр сизелерлек була.

Беляков ассызыклаганча, финанс тотрыклылыгының нигезе — дисциплина һәм чыгымнарны планлаштыра белү. Кечкенә бюджет белән дөрес эш итә белү еш кына югары хезмәт хакына караганда да мөһимрәк. Шул ук вакытта, ассоциация җитәкчесе билгеләп үткәнчә, финанс планлаштыру күнекмәләре булмаса, хәтта зур керемнәр дә пенсиягә чыккан вакытка җыелмалар булуын гарантияләми.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис