«Болгар» радиосы алып баручысы Дилбәр Фәизгә кайгы килгән

«Болгар радиосы» алып баручысы Дилбәр Фәиз зур югалту кичерә – аның әнисе мәңгелеккә китеп барган. Алып баручы мессенджерларда язган хәбәрдән аңлашылганча, якыны хастаханәдә вафат булган.

«Эх, әни, әнием! Чыга алмам инде мин моннан, дидең. Китеп бардың. Хуш, бәхил бул», – дип яза ул, кардиореанимация бүлегенең фотосын куеп. Дилбәр һәм аның якыннарының кайгысын уртаклашабыз.