Агымдагы елның тугыз ае нәтиҗәләре буенча, антирейтингта беренче урында Казанның «ИТЦ «ТКС-ПОВОЛЖЬЕ» предприятиесе тора, аның йөртүчеләре 707 кагыйдә бозу очрагына юл куйган. Икенче урында – Казандагы «Лаборатория РТХ» компаниясе (664 бозу очрагы). Өчлекне Чаллының «СтройСтиль» фирмасы йомгаклый – 591 бозу.
Шулай ук беренче бишлеккә керделәр:
«Нефтестройэнерго» (Әлмәт районы) – 580 бозу;
«ПК-Профснаб» (Казан) – 574 бозу.
Иң күп кагыйдә бозучы оешмаларның унлыгына түбәндәгеләр керде:
«АВП-Групп» (Алабуга районы) – 562 бозу;
«Детали Машин» (Яр Чаллы) – 536 бозу;
«РАЙЗ» (Яр Чаллы) – 530 бозу;
«Рэлса» (Тукай районы) — 460 бозу;
«ПСО «Казань» – 457 бозу.
Әлеге ун компаниянең йөртүчеләрендә теркәлгән кагыйдә бозуларның гомуми саны 5,6 мең очрактан арткан.
Хөкүмәт комиссиясе предприятие җитәкчеләрен хезмәт транспортын идарә итүче хезмәткәрләрнең гамәлләренә контрольлекне көчәйтергә һәм юл хәрәкәте иминлеге буенча даими рәвештә инструктажлар үткәрергә чакыра. Тизлекне арттыру, куркыныч маневрлар ясау һәм кагыйдәләрне санга сукмау гражданнарның гомеренә һәм сәламәтлегенә куркыныч тудыра, шулай ук юридик затлар өчен административ җаваплылыкка китерә.
Сүз уңаеннан, хәзерге вакытта Татарстанда «Юл хәрәкәте иминлеге» төбәк проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез