03 сентябрь 2026 Яңалыклар

Быел Россия югары уку йортларына 1 миллионнан артык кеше укырга кергән

2026 елгы кабул итү кампаниясе нәтиҗәләре буенча Россия югары уку йортларының бюджет һәм түләүле бүлекләренә 1 миллионнан артык кеше укырга кергән. Бу хакта РИА Новости агентлыгына Россия Фән һәм югары белем министрлыгында хәбәр иттеләр, дип яза «Татар-информ».

Министрлык мәгълүматлары буенча, бакалавриат программаларына - 618 мең, белгечлеккә – 171 мең, магистратура программаларына 189 меңнән артык кеше кабул ителгән.

Моннан тыш, Россиянең 17 университетында гамәлгә ашырыла торган югары белем бирүнең яңа моделен апробацияләү буенча сынау проекты кысаларында да кабул итү дәвам итә. База югары белем программаларына - 44 меңнән артык кеше, тагын 13 меңнән артыгы махсуслаштырылган югары белем программаларына кабул ителгән.

Фән һәм югары белем министрлыгында ачыклык кертүләренчә, 2026 елгы кабул итү кампаниясе 30 сентябрьдән дә соңга калмыйча тәмамланачак, ул вакытта югары белем бирүнең барлык дәрәҗәләре буенча түләүле урыннарга кабул итү төгәлләнә. Аспирантура программаларына кабул итү озаграк дәвам итәчәк һәм 30 ноябрьдән дә соңга калмыйча тәмамланачак.

Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга