26-28 августта Казанда Татарстан нефть-газ химиясе форумы узачак. Быел ул тәүге тапкыр өч көн дәвам итәчәк. Бу хакта Татарстан Премьер-министры урынбасары – сәнәгать һәм сәүдә министры Олег Коробченко әйтте.
“Быел тәүге тапкыр өч көнлек программа оештырдык. Форумның өченче көне яшьләргә багышланачак. Чарада Татарстан Рәисе Рөстәм Миңнеханов катнашачак дип тә көтелә”, – диде министр.
Аның әйтүенчә, форум мәйданы – республика предприятиеләре өчен тәҗрибә алмашу, алдынгы технологияләрне тәкъдим итү һәм яңа хезмәттәшләр эзләп табу өчен яхшы урын. “Пленар утырышта 700дән артык кеше катнашачак”, – диде Олег Коробченко.
Форумда Россия энергетика министрының беренче урынбасары Павел Сорокин, Мисырның нефть һәм минераль ресурслар министры Тарик әл-Мулла, Төркиянең энергетика һәм табигый ресурслар министры Әлпарслан Байрактар кебек дәрәҗәле кунакларны да көтәләр.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез