22 гыйнвар 2026 Яңалыклар

Быелгы хатын-кызлар ифтары буласы көн билгеле

Ифтар Fashion проектына нигез салучы Җәннәт Минһаҗева мөселман хатын-кызлары өчен унынчы күмәк ифтар көнен игълан итте.

Бу хакта «Миллиард.Татар» яза.

Чара 2026 елның 14 мартында булачак, ә аның төп төсе зәңгәр һәм ачык зәңгәр булачак.

Быелгы ифтарныңтемасы һәм форматы турында Минһаҗева заманча сәнгать галереясендә узган «Fashion Iftar: мода төзү, тарих, кыйммәтләр һәм шәхси юл аша» дигән лекциясе вакытында сөйләде. Аның сүзләренә караганда, юбилей елы ифтары татар мәдәниятенә, нәсел-тамырларына, шулай ук ирек темасына багышланачак.

Fashion ифтар рамазан аенда үткәрелә, анда бары тик хатын-кызлар гына җыела. Катнашуның мәҗбүри шартларының берсе булып дресс-кодны үтәү: анда кунаклар билгеле бер төстәге киемнән килергә тиеш.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!