20 октябрь 2026 Яңалыклар

Чаллы театрында Минтимер Шәймиев турындагы спектакль тәкъдим итәчәк

Аяз Гыйләҗев исемендәге Чаллы татар дәүләт драма театры тамашачыларны премьералар белән сөендереп тора. Тиздән коллективның Татарстанның беренче Президенты Минтимер Шәймиевка багышланган спектакльгә репетицияләре башлана.

Бу хакта «Шәһри Чаллы» хәбәр итә.

Театрның әдәби бүлек мөдире, язучы Айгөл Әхмәтгалиева сүзләренчә, спектакль «Хәл бу ки... Минтимер Шәймиев» дип аталачак. Аны театрның сәнгать җитәкчесе Олег Кинҗәгулов сәхнәләштерә. Премьераны гыйнвар аенда чыгарырга планлаштыралар.

Сүз уңаеннан, Татарстан Рәисе Рөстәм Миңнеханов указы нигезендә 2027 ел Минтимер Шәймиев елы итеп игълан ителде. Киләсе елның 20 гыйнварында Минтимер Шәрипов улына 90 яшь тула.

БЕЗНЕҢ МАКС КАНАЛЫНА ЯЗЫЛЫГЫЗ!