Чаллыда Бөек Ватан сугышында Җиңүнең 80 еллыгын зурлап уздырырга җыеналар. Бәйрәм Муса Җәлил һәйкәле каршындагы митинг белән башланып китәчәк. Ватан-мемориалы янында парад була, хәрби техникалар хәрәкәт итәчәк. Бу хакта «Шәһри Чаллы» сайтында Лилия Хәбибҗанова яза.
«Беренче тапкыр ретро техника чыгарылачак. Шулай ук заманча техникаларны күреп була. Барлыгы 42 машина», - ди башкарма комитет җитәкчесе урынбасары Винер Харисов.
Ватан-ана мемориалы каршындагы бәйрәм чарасында 2 меңнән артык укучы, студентлар катнашса, Яр буе паркы мәйданында аларның саны 3 меңнән артык була.
Быел Россиядә Бөек Ватан сугышында Җиңүнең 80 еллыгы билгеләп үтелә. Шулай ук Россия Президенты Владимир Путин карары нигезендә, 2025 ел – Ватанны саклаучы елы буларак игълан ителде. Татарстан Рәисе Рөстәм Миңнеханов әле күптән түгел генә сугыш ветераннарына бүләкләр тапшырды. Ул Россиянең бүгенге үсешендә аларның һәркайсының зур өлеше барлыгын искәртте.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез